نواز شریف کی موت

Muhammad Qasim's Dreams in Urdu Language
Post Reply
User avatar
Mansoor.Ali
Posts: 50
Joined: Sun Dec 31, 2017 7:02 pm

نواز شریف کی موت

Post by Mansoor.Ali » Tue May 29, 2018 7:35 pm



یہ خواب میں نے ۴ مئی، ۲۰۱۸ کو دیکھا۔

اس خواب میں دیکھتا ہوں کہ نواز شریف نا اہل ہو چکا ہوتا ہے اور وہ جگہ جگہ جلسے کر رہا ہوتا ہے اور احتجاج کرتا ہے کہ 'مجھے کیوں نکالا'۔ میرے ساتھ ناانصافی ہو رہی ہے۔ اس طرح ملک نہیں چلا کرتے، مجھے منصوبے کے تحت نشانہ بنایا جارہا ہے لیکن میں ہار ماننے والا نہیں۔ مریم نواز بھی اپنے والد کے ساتھ ہوتی ہیں اور وہ بھی کچھ ایسا ہی کہتی ہیں۔ کافی لوگ نواز شریف کی تقریریں سن کر ہنستے بھی ہیں اور نواز شریف کے خلاف اپنا موقف بھی بیان کرتے ہیں مگر نواز شریف پھر بھی نہیں رکتا۔

پھر نواز شریف محدود ہونا شروع ہو جاتا ہے یعنی اس کی تقریریں بھی نشر نہیں ہوتیں اور اسکی سرگرمیاں بھی محدود ہونا شروع ہو جاتی ہیں ۔ کافی لوگ اس کی پارٹی کو بھی چھوڑ کر چلے جاتے ہیں اورنواز شریف کے لیے مزید مشکلات پیدا ہوتی چلی جاتی ہیں۔ اس سب کی وجہ سے نواز شریف ذہنی دباوٗ کا بھی شکار ہونا شروع ہو جاتا ہے اور اسے کچھ سمجھ نہیں آتی کہ اس صورتحال سے کیسے نکلا جائے۔ نواز شریف کی طاقت مزید کمزور پڑ جاتی ہے مگر وہ اُتنا ہی زیادہ بولتا چلا جاتا ہے۔ پھر وہ گھر میں ہی بیٹھ کر کہنا شروع ہو جاتا ہے کہ میرے ساتھ ناانصافی ہورہی ہے، تم لوگ مجھے روک نہیں سکتے میں گھر میں بیٹھ کر ہی اپنا پیغام دنیا تک پہنچارہا ہوں۔ وہ کہتا ہے کہ تم نے اچھا نہیں کیا مجھے اس حال تک پہنچا کر اور مریم نواز اسکا بھرپور ساتھ دیتی ہے۔ بہت سے لوگ اسکے خلاف ہو جاتے ہیں، شدید ذہنی دباوٗ کی وجہ سے نواز شریف کی صحت بھی خراب ہو جاتی ہے۔

میں یہ سب دیکھ رہا ہوتا ہوں، پھر میں نواز شریف کو اپنے کمرے میں جاتا دیکھتا ہوں۔ نواز شریف کی بیٹی مریم نواز انٹرنیٹ پہ میسجز بھیجتی رہتی ہیں۔ کچھ طاقتیں اس موقعے کا فائدہ اٹھاتی ہیں، پھر مجھے کچھ شر پسند لوگ نوازشریف کے گھر کی طرف جاتے نظر آتے ہیں، میں کہتا ہوں ضرور کوئی گڑبڑ ہے اور میں نواز شریف کے گھر کی طرف بھاگتا ہوں۔ جب میں اس کے گھر جاتا ہوں تو وه شرپسند لوگ ایک جگہ جمع ہوتے ہیں اور میں دوسری طرف سے اندر جاتا ہوں۔ وہاں پہ ایک ہال ہوتا ہے جس سے دوسری جگہ کو راستے جاتے ہیں اور میں نوازشریف کے کمرے والا رستہ ڈھونڈ رہا ہوتا ہوں۔ پھر ایک جگہ سے مجھے آرمی کے کمانڈو آتے دکھائی دیتے ہیں اور ایسامحسوس ہو رہا ہوتا ہے کہ آرمی بھی نواز شریف کو بچانا چاہ رہی ہے۔ میں یہ دیکھ کر کہتا ہوں کہ اگر نواز شریف کو کچھ ہوا توحالات کنٹرول سے باہرہو جائیں گے ، تبھی آرمی اسکو بچانے کے لیے آئی ہے۔ آرمی بھی نواز شریف کے کمرے کی طرف جا رہی ہوتی ہے- پھر اچانک کوئی کہتا ہے کہ نواز شریف مر گیا ہے، یہ سن کر میں حیران ہو جاتا ہوں اور کہتا ہوں کہ شاید آرمی نے دیر کردی آنے میں!

میں چلتے چلتے ایک بڑے کمرے میں پہنچتا ہوں اور وہاں مریم نواز رو رہی ہوتی ہیں اور کہتی ہیں کہ میرے ابو کو کسی نے مار دیا، میں یہ دیکھ کر کہتا ہوں کہ یہ تو بہت برا ہوا۔ میں پھر وہاں سے باہر نکلتا ہوں تو کچھ شر پسند لوگ وہاں آچکے ہوتے ہیں ، میں ان سے بچ کر نکل جاتا ہوں مگر اسی دوران نواز شریف کے مرنے کی خبر پھیل چکی ہوتی ہے اور جگہ جگہ افرا تفری کا عالم ہوتا ہے۔ پاکستان دشمن قوتیں اس صورتحال کا فائدہ اُٹھا رہی ہوتی ہیں اور انارکی پھیلا رہی ہوتی ہیں۔ یہاں تک کہ صورتحال آرمی کے کنٹرول سے بھی باہر ہو جاتی ہے۔ اس خواب کے مناظر بہت ڈراؤنے ہوتے ہیں ۔ جب پاکستان مصائب میں گھرنا شروع ہو جاتا ہے اور حالات بدتر ہو جاتے ہیں پھر ایسے واقعات رونما ہوتے ہیں جو میں نے اپنےمختلف خوابوں کے ذریعے پہلے سے ہی بیان کیے ہوتے ہیں ۔ جب لوگ میرے خوابوں میں بیان کردہ ان واقعات کو رونما ہوتا دیکھتے ہیں تو وہ میرے خوابوں پہ بہت زیادہ یقین کرتے ہیں-
~«Just Need Your Prayers»~

Post Reply