مورس کی طرف سے لیا گیا قاسم کا انٹرویو

Muhammad Qasim's Dreams in Urdu Language
Post Reply
User avatar
Mansoor.Ali
Posts: 79
Joined: Sun Dec 31, 2017 7:02 pm

مورس کی طرف سے لیا گیا قاسم کا انٹرویو

Post by Mansoor.Ali » Sun Jan 13, 2019 6:34 pm

محمد قاسم کا انٹرویو

مورس: محمد قاسم آپ کے خواب جیوپولیٹکل حالات پر مشتمل ہوتے ہیں اور اس بات کی نشاندہی کرتے ہیں کہ حالات کس طرف جا رہے ہیں؟براہ کرم اس بات کی وضاحت فرمائیں کہ آپ کہاں پیدا ہوئے، اور آپ کے اباوُ اجداد پاکستان میں کیسے ائے تهے؟ اور میں یہ پوچھنا بھی پسند کروں گا کہ آپ خوابوں کی فطرت کے بارے میں آگاہ کریں اور کوئی شک نہیں کہ ان میں قرآن کے حوالہ جات بھی ہیں۔

قاسم: شکریہ مورس۔ آپ پر سلامتی ہو۔ آپ نے مجھ سے میرے اور میرے نسب کے بارے میں پوچھا۔ میں پاکستان کا رہائشی ہوں اور ميں اور ميرے والد یہیں پاکستان ميں پیدا ہوئے۔ مجھے اپنے آباء و اجداد کا زیادہ پتا نہیں اور نہ ہی مجھے میرا شجرہ نسب معلوم ہے۔ یہاں تک کہ مجھے صرف اس بات کا علم ھے کہ ہم قریشی ہیں جو کہ محمد صلی اللّٰه علیہ وآلہ وسلّم کا قبیلہ تھا۔ میں صرف اتنا جانتا تھا کہ میرے اس خاندان میں بہت سے نیک لوگ گزرے ہیں جیسا کہ میرے والد نے مجهے بتایا تھا۔
آپ نے مجھ سے خوابوں کی فطرت کے بارے میں پوچھا۔ میرے خواب سیدھے نبی اکرم صلی اللہ علیہ وآلہ وسلّم کی سنت اور قرآن کی تعلیمات کے مطابق ہیں۔ ایسے خواب "رحمانی خواب" کہلاتے ہیں۔ اسلام میں جن کا مطلب پاکیزہ خواب ہیں۔ ان خوابوں میں خوشخبریاں اور کھلے وعدے ہیں جو کہ کسی کو معلوم نہیں سوائے اللّٰه کے۔ جو کچھ بھی میں نے شئیر کیا وہ نہ میری طرف سے تھا نہ ہی شیطان کی طرف سے۔ میری ہمیشہ یہی ترجیح رہی کہ میں سب کچھ اسی طرح بیان کروں جیسے دیکھا ھے اور میں نے اپنے تئیں کبھی انکی تشریح نہیں کی۔

مورس: آپکی ویڈیوز میں اکثر سیاسی مواد موجود ہوتا ہے جیسا کہ ہم دیکھتے ہیں ترکی سے اردگان ،انڈیا سے مودی اور ڈونلڈ ٹرمپ وغیرہ۔میرے خیال سے آپ خبروں کو فالو کرتے ہیں۔ اور انہی کے تناظر میں تبصرے کرتے ہیں۔ کیا آپکے خواب انہی خبروں کا الٹ ہیں یا حقیقت مختلف ہے؟

قاسم: میں کسی قسم کی سیاسی خبروں میں دلچسپی نہیں رکھتا لیکن میں بین الاقوامی خبروں پر روزانہ کی بنیادوں پر نظر رکھتا ہوں۔اور ایسا کبھی نہیں ہوا کہ میں نے سیاسی خبروں اور اپنے خیالات کے مطابق خواب دیکھا ہو۔

مورس: آپ ایک ایسے ملک میں ہیں جو اس وقت بالکل متحد نہیں، جہاں کہ قبائلی علاقہ جات ہیں اور مجھے نہیں معلوم کہ ان علاقوں میں کیا تنازعات ہیں۔ شاید آپ اسکی کوئی وضاحت کر پائیں۔

قاسم: معذرت لیکن میں سیاسی معاملات پہ بات نہیں کرنا چاہتا۔پاکستان اور دنیا کے حالات مستقبل کی طرف ویسے ہی بڑھ رہے ہیں جیسے خوابوں میں بتایا گیا۔ اس سے خوابوں کی حقیقت واضح ہو رہی ہے۔ اب تک میری اولین ترجیح خوابوں کو پوری دنیا میں پھیلانا ہے۔

مورس: بعض اوقات میں دیکھتا ہوں کہ آپکی ویڈیوز انگلش میں نہیں اور وہ اردو میں ہوتی ہیں، اور ان پر بہت سارے ناظرین هيں۔ ایک جگہ تو میں نے 4,000 سے زیادہ ناظرین دیکھے۔ میں حیران ہوں کہ آپ کیوں انگلش پہ توجہ دے رہے ہیں جبکہ اردو میں آپکے بے شمار دیکھنے والے ہیں؟

قاسم: جیسا کہ میں نے پہلے بتایا کہ مجھے ساری دنیا میں خواب پھیلانے کا کام ملا ہے تو اس لئے انگلش ایک ایسی زبان ہے جو ساری دنیا میں سمجھی جا سکتی ہے۔ اور االله كا شكر هے کہ میرے خواب دوسری زبانوں میں بھی ترجمہ ہو چکے ہيں۔ اور ميرے اور زبانوں ميں بھی چینل ہیں۔

مورس:ایک عام انسان اپنے اندر کی آواز اور شعور کو کس طرح الفاظ میں اتار سکتا ہے؟ وہ کس طرح اپنے خواب کو یاد رکھ سکتا ہے، کس طرح اپنے خواب سے آگاہ ہو سکتا ہے، وہ کس طرح اپنے خواب کو جوڑ سکتا ہے؟ کیا آپکے پاس کوئیی ايسا طریقہ ہے جو آپ کو آپ کے خواب یاد رہتے ہيں؟

قاسم: یہ اللّٰه کی خاص رحمت ہے مجھ پہ کہ میں خواب یاد رکھنے کے قابل رہتا ہوں۔ میں نے پہلا رحمانی خواب چار یا پانچ سال کی عمر میں دیکھا۔ اور وہ مجھے ابھی تک وہ خواب اچھی طرح یاد ہے۔ اور یہ میری سچائی کا ثبوت بھی ہے۔

مورس: آخری سوال، آپکے وقت کا شکریہ۔ آپ اسلامی اصولوں کی پاسداری کر رہے ہیں جہاں تک آپ سمجھتے ہیں۔ لیکن کہیں کچھ پریشانیاں اور تنقید بھی آپ کو برداشت کرنی پڑتی ہے۔ کیا آپ اسکی صفائی دے سکتے ہیں؟

قاسم: میرے خواب عام خواب نہیں ہیں اور نہ ہی میں اپنی مرضی سے انکو اپنے فائدے کے لئے پھیلا رہا ہوں۔ جبکہ میں صرف اللہ اور اسکے رسول صلی اللہ علیہ وآلہ وسلم کے حکم کی تعمیل کر رہا ہوں۔اور یہ حکم مجھے دو سال پہلے دیا گیا اور میں گزشتہ 28 سال سے یہ خواب دیکھ رہا ہوں۔ میں آپکے اس انٹرویو کو بہت سراہتا ہوں اور وقت نکالنے پر شکرگزار ہوں۔
~«Just Need Your Prayers»~

Post Reply