Pak Army Mushkilat Mai, Hazrat Muhammad ﷺ ki Khwab me Ziyarat

4 December 2015 ko Muhammad Qasim khuab main dekhtay hain kay Allah Taala unko ek jadeed taqatwar kalay rung ka helicopter daitay hain aur is helicopter ko chalana bhi sikhatay hain. Muhammad Qasim Pak Army kay sath un kay kisi mission per jana chahtay hain magar Army chief Muhammad Qasim ko apnay sath lay janay main dilchaspee zahir nahi kartay. Pak Army mission per chali jatee hay aur Muhammad Qasim doosre janib nikal jatay hain aur helicopter main so jatay hain. Phir Nabi SW Muhammad Qasim kay khuab main akar kehtay hain kay ek din tum Ummat ko andhairon say nikalo gay aur ye bhi kehtay hain kay Pak Army apnay mission kay doran mushkilaaat main phans chukee hay, us ka eendhan bhi khatum hochuka hay, tum uskee madad ko jao. Muhammad Qasim Pak Army ko talash kartay hain magar uska kaheen pata nahi chalta tou wo sochtay hain kay Pak Army bauhat mazboot hay, wo khud mushkilat say nipat laygee aur phir Muhammad Qasim dobara so jatay hain, magar Nabi SW un kay khuab main phir akar kehtay hain kay Pakistan islam ka akhree qila hay aur tumko unkee madad kay lyay lazmee jana hoga. Bilaakhir Muhammad Qasim Pak Army ko talash karnay main kamyab ho jatay hain aur ek machine jisko Pak Army tabah karnay main nakam hotee hay Muhammad Qasim usay tabah kar daitay hain. Pak Army Allahu Akbar ka naara lagatee hay aur sub khush ho jatay hain. Is moqay per Army cheif ko ehsas hotay hay kay unko pehlay he Qasim say madad lay laynee chahyay thee.

Leave a Reply

Your email address will not be published. Required fields are marked *